ТОКТОМ
ПОСТАНОВЛЕНИЕ
Ак-Суу айылдык кеңешинин VIII чакырылышынын IV сессиясынын
№ 4/9 токтому
2022-жылдын 11-февралы Ак-Суу айылы
Электр энергиясын сатуу боюнча айыл өкмөтүнүн лицензиясын иштетүүгө келишим түзүү жөнүндө
“Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 34-беренесинин негизинде Ак-Суу айыл өкмөтүнүн башчысынын сунушун угуп жана талкуулап, Ак-Суу айылдык кеңеши:
ТОКТОМ КЫЛАТ:
Кыргыз Республикасынын Энергетика боюнча мамлекеттик агенттиги тарабынан Ак-Суу айыл өкмөтүнө берилген “Электр энергиясын сатуу” боюнча серия 1-ГАЭ, №00325 лицензиясынын негизинде аны иштетүүгө кызыктар тарап менен келишим түзүлсүн.
- Келишимде айыл аймагындагы бардык керектөөчүлөрдүн электр энергиясына болгон муктаждыктарын талаптагыдай орундатуусу жана айыл өкмөтүнө социалдык пакет эске алынсын.
- Ушул токтом Ак-Суу айыл өкмɵтүнүн www.aksuu.biz.kg расмий веб-сайтына жарыялансын.
- Ушул токтом расмий жарыяланган күндөн тартып күчүнө кирет;
- Аталган токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы жооптуу катчы Б.Мамытовго милдеттендирилсин.
- Бул токтомдун аткарылышын кɵзɵмɵлдɵɵ жагы мыйзамдуулук комитетинин төрагасы У.Курманбековго жүктөлсүн.
Тɵрага: М.О. Сооронбаев